မေးမြန်းသူ။ ဒဲဂူးက ညီအကိုတဦး
အကိုရေ၊ ကျနော်က အီးပီအက်စ်နဲ့ လယ်ယာအလုပ်လုပ်တဲ့ အလုပ်သမားပါ။ အခု လုပ်နေတဲ့ အလုပ်က စာချုပ်ထဲမှာ ပါတဲ့ အလုပ်ချိန်၊ နားရက် စတာတွေနဲ့ တခုမှ မညီပဲ အလုပ်စချိန်ထက် စောပြီး အလုပ်လုပ်နေ ရတယ်။ အလုပ်သိမ်းချိန်အတိအကျမရှိ နေ၀င်ပြီဆိုမှ အလုပ်သိမ်းရတယ်။ နားရက်။ အိုတီခမရ။
အဲဒါ ဘယ်လုပ်လုပ်ရမလဲ။ အကြံပေးပါဦးဗျာ။
ဖြေ။ ညီရေ၊ စာချုပ်ထဲမှာ ပါတဲ့အချက်ကို မလိုက်နာဘူးဆိုရင် ပထမဦးဆုံး အလုပ်ရှင်ကို ဘာကြောင့် ဒီအချက်အလက်တွေနဲ့ မညီပါသလဲဆိုတာကို အရင်မေးပြီးတော့ သူဖြေတာကို သေချာမှတ်ပါ။ စကား နားမလည်ရင် သူ့အသံကို အသံဖမ်းထားပြီး နားလည်သူကို မေးကြည့်ပါ။
စာချုပ်ပါ အချက်တွေနဲ့ ကွဲရတာကို သူက ဘယ်လို ဆင်ခြေဆင်လက်တွေ ပေးပေး တရားမ၀င်ပါဘူး။
ဒါပေမယ့် ကာယကံရှင်နဲ့ အလုပ်ရှင်နဲ့ အရင် ပြဿနာကို ဖြေရှင်းပြီးမှ အဆင်မပြေလို့ သက်ဆိုင်ရာ အဖွဲ့အစည်း၊ အလုပ်သမားဝန်ကြီး ဌာနရဲ့ အကူအညီကိုတောင်းတာ ပိုကောင်းပါတယ်။
နိုင်ငံခြားသားအလုပ်သမားစင်တာလို အဖွဲ့အစည်းတွေကို အကူအညီတောင်းရင် သူတို့က အလုပ်ရှင်ကို ဖုန်းဆက်ပြီး စာချုပ်အတိုင်း လုပ်ပေးဖို့ တောင်းဆိုပေးပါတယ်။ ဒါပေမယ့် အလုပ်ုရှင်က ဒါကို မလိုက်နာဘူး ဆိုရင်တော့ အလုပ်ရှင်ကို အလုပ်သမားဥပဒေချိုးဖောက်မှုအဖြစ် အလုပ်သမားဝန်ကြီးဌာနထံ တိုင်စာတိုင်ပါတယ်။
အလုပ်သမားဝန်ကြီးဌာနက အလုပ်ရှင်ကို ခေါ်ယူစစ်ဆေးပြီး စာချုပ်ပါ အချက်အလက်တွေကို ချိုးဖောက် တာ မှန်ရင် အလုပ်ရှင်ကို ဒဏ်ခတ်ပါ တယ်။ အရင် မရခဲ့တဲ့ အချိန်ပိုခတွေကိုလည်း ပြန်ပေးဖို့ တောင်းဆိုနိုင်ပါတယ်။ ဒါပေမယ့် ဘယ်လောက်ရမလဲဆိုတဲ့ ကိစ္စမှာ ကိုယ်က အလုပ်လုပ်ခဲ့ချိန်တွေကို နေ့အလိုက် စာရင်းသေချာပြုစုထားမယ်ဆိုရင်တော့ တပြားတချပ်မလျော့ပဲ ပြန်ရရှိမှာဖြစ်ပါတယ်။
အလုပ်စာချုပ်ကို အလုပ်ရှင်က ချိုးဖောက်တဲ့အတွက်ကြောင့် အလုပ်သမားအနေနဲ့ တခြားနေရာကို ပြောင်းချင် ပြောင်းလို့ ရပါတယ်။ ဒါပေမယ့် တခြားအလုပ်ကိုပြောင်းလို့ အခုအလုပ်ထက်ပိုပြီး ဘာမှ ပိုပြီး ထူးခြားပြီး ကောင်းလာမှာ မဟုတ်ပါဘူး။
ဒါကြောင့် လက်ရှိ အလုပ်မှာ အကျွမ်းဝင်ပြီးသား အလုပ်စနစ်၊ တည်ဆောက်ပြီးဖြစ်တဲ့ လူမှုဆက်ဆံရေးက ကိုယ့်အတွက် သိပ်မဆိုးဘူး ဆိုရင် လက်ရှိ အလုပ်ကို ဆက်လုပ်မယ်ဆိုတဲ့ စိတ်ကို ကိုင်ဆွဲပြီး တဘက်မှာ ကိုယ် ရရမယ့် ကိုယ့်အခွင့်အရေးကို အပြည့်အ၀ရအောင် ကြိုးစား စေချင်ပါတယ်။
အကူအညီတောင်းချင်ရင် ဒဲဂူးရွှေ့ပြောင်းအလုပ်သမားစင်တာ ဖုန်း 053 585 6206 ကို ဆက်သွယ်ပါ။
လိပ်စာကတော့ 대구 달서구 신당동 311-30
ဖြေကြားသူ စိုးမိုးသူ
댓글 없음:
댓글 쓰기