ဝန်ဆောင်စရိတ် မတရားတောင်းသူများအား အရေးယူပေးပါရန် တိုင်ကြားအပ်ပါသည်။

(အီးမေလ်းသို့ ရောက်ရှိလာသော တိုင်စာ)

ကျွန်တော်က ကိုရီးယားရောက်မြန်မာလုပ်သားတစ်ဦးပါ။
ကျွန်တော်အပါဝင် ကိုရီးယားရောက် မြန်မာလုပ်သားအားလုံးကို မြန်မာနိုင်ငံအလုပ်သမားဝန်ကြီးဌာနမှ ကိုရီးယား+မြန်မာလုပ်သားပို့ဆောင်ရေး အေဂျင်စီအဖြစ် တာဝန်ယူ ဆောင်ရွက်ပြီး လုပ်သားပို့ဆောင်ရာမှာ ဝန်ဆောင်ခ(၈သိန်း)ကျပ် အပြင် အခြားစာရွက်စာတမ်းဘိုးတောင်းခံတာတွေ့ရှိပါကတိုင်ကြားနိုင်ပါတယ်လို့ ကြေငြာထားတဲ့အတိုင်း တိကျစွာ တစုံတဦးတရောက်ကမျှ တရားဝင်သက်မှတ်ထားတဲ့ရှစ်သိန်းကျပ်အပြင် အခြားစာရွက်စာတမ်းဘိုးစသည်တောင်းခံခြင်းမရှိဘဲ ဝန်ဆောင်ပေးတဲ့အတွက် ဝန်ကြီးဌာနမှအကြီးအကဲများအပါအဝင် ဝန်ထမ်းအားလုံးကို ကျေူးဇူးတင်ပါတယ်။

အခြားနိုင်ငံတွေနဲ့စာရင် ဝန်ဆောင်ခ(၈)သိန်းလဲတန်ပါတယ်လို့ပြောပါရစေ ..

ဒါပေမယ့် မတန်တဲ့နေရာကိုလဲပြောပါရစေ။
ကျွန်တော်တို့တတွေ လေယာဉ်တက်ခါနီး မြန်မာအေဂျင်စီထံ စာချုပ်ချုပ်ခဲ့ရပါတယ်။
(စခေါ်တဲ့ကုမ္ပဏီကိုအနည်းဆုံးတနှစ်မပြောင်းမရွှေ့အလုပ်ပေးရမယ်ဆိုတဲ့ ဝန်ခံကတိစာချုပ်ပေါ့)
အဲဒီစာချုပ်တဲ့အခါ ပုံစ(ံ၁၀၅)နဲ့(၁၀၆)ကိုမူရင်းပြပြီး မိတ္တူတစ်စုံအပ်ခဲ့ရပါတယ်။

အဲ့ဒီအခါမှာ မြို့နေတဲ့သူတွေအတွက်ပြဿနာ အခက်အခဲမရှိပေမယ့် ကျွန်တော်တို့လိုတောသားတွေအတွက် နဂိုမူလကလဲမရှိ လုပ်လေ့လုပ်ထလဲမရှိတော့ စာချုပ်ခါနီ်းမှ အရေးပေါ်လုပ်ရတာပေါ့ ။

အဲ့ဒီလိုပုံစံ(၁၀၅)နဲ့(၁၀၆)လုပ်ခကို မြေတိုင်းစာရေးက ဝန်ဆောင်စရိတ်ဆိုပြီး( ၅၅၀၀၀) ငါးသောင်း ငါးထောင် ကျပ် အလှူတော်ကြေးနဲ့ဆို (၆၀၀၀၀)ခြောက်သောင်းတောင်းတယ်ဗျ ။

အဲ့ဒါ မလွန်လွန်းဘူးလားဗျာ..ကျွန်တော့်အနေနဲ့ လုံးဝကို မတန်ဘူးလို့ပြောချင်ပါတယ် ။ အခြားသူငယ်ချင်းတွေမေးကြည့်တော့လဲ အဲ့ဒီလိုပေးခဲ့ရတဲ့အကြောင်းပြောကြပါတယ်။ ကျွန်တော်တို့တတွေ ပေးခဲ့ရသလို နောက်လာမယ် လုပ်သားလောင်းတွေ မတရားသဖြင့် အဲ့ဒီလို အတောင်းမခံရအောင် နိုင်ငံတော်အကြီးအကဲများနှင့် သက်ဆိုင်ရာလူကြီးများအနေနဲ့ မန္တလေးတိုင်း နွားတိုးကြီးမြိုနယ်မှ မြေတိုင်းစာရေး ကိုအောင်ခိုင်နဲ့ကိုဇော်လတ်မင်းကို အရေးယူ ဆုံးမပေးရန် တိုင်ကြားလိုက်ပါတယ်။
တိုင်ကြားသူ။ ။ thihakonaing999@gmail.com