 |
| ရွှေ့ပြောင်းအလုပ်သမားတွေနေတဲ့ စက်ရုံတွင်း ကွန်တိန်နာအခန်း |
အာဆန်းနိုင်ငံခြားသားအလုပ်သမားစင်တာက ယခုနှစ်တွင်း အာဆန်းဒေသ နေထိုင်သူ နိုင်ငံခြား သားအလုပ်သမား ၁၀၀အပေါ် စစ်တမ်း ကောက်ယူခဲ့တဲ့ အာဆန်းဒေသ ရွှေ့ပြောင်း အလုပ်သမားများရဲ့ လက်ရှိ အခြေအနေ စစ်တမ်းတွင် နိုင်ငံခြားသားအလုပ်သမား၃ယောက်တွင် တယောက်နှုန်းက ဥပဒေအရခွင့်မပြုတဲ့ ကွန်တိန်နာအခန်း၊ ပစ္စည်းသိုလှောင်ခန်း၊ စက်ရုံရုံးခန်း စတဲ့ အခန်းကျင်းတွေထဲမှာ နေထိုင် နေကြရကြောင်း ပါရှိပါတယ်။
အခန်းတွေဟာ ရွှေ့ပြောင်းအလုပ်သမားတွေအနေနဲ့ အနားယူဖို့၊ စားသောက်နေထိုင်ဖို့အတွက် မသင့်တော်သလို ကျောခင်းအိပ်ရန်သက်သက်သာဖြစ်နေကြပေမယ့်လည်း သူတို့အနေနဲ့ အဲဒီလို အခြေအနေဆိုးက လွတ်မြောက်ဖို့အခွင့်အရေးက အထူး နည်းပါးနေဆဲပါ။
အဲဒီလိုအခြေအနေမှာတောင် အလုပ်ရှင်တွေက အခန်းဖိုးဆိုပြီး လစာထဲကနေ ဖြတ်တောက် ယူငင် နေကြပြန်တာကြောင့် သူတို့ရဲ့ လူ့အခွင့်အရေးချိုးဖောက်ခံရမှု အခြေအနေတွေက ဆိုးသထက် ဆိုးနေရပါတယ်။
နိုင်ငံခြားသားအလုပ်သမားအများစုဟာ ကိုရီးယားရဲ့ နေထိုင်မှုဆိုင်ရာ ဥပဒေအရ ခွင့်ပြုထားတဲ့ အဆောက် အဦမျိုးမှာ မဟုတ် ကွန်တိန်နာ သို့မဟုတ် ပစ္စည်းသိုလှောင်ခန်းလိုမျိုးထဲမှာ နေထိုင်နေကြရသလို လစာရဲ့ ၂၀%ကိုလည်း အခန်းခအဖြစ် အလုပ်ရှင်တွေက ဖြတ်ယူနေကြပါတယ်။ တချို့ အလုပ်ရှင်တွေဆိုရင် အခုလို ဆိုးဝါးတဲ့ အဆောက်အဦမျိုးမှာ နေစေရုံသာမက အခန်းခ၊ မီးဖိုး၊ရေဖိုး၊ သန့်ရှင်းရေးဖိုးဆိုပြီး အမျိုးမျိုး ထပ်မံ ဖြတ်တောက်ယူငင်ကြပြန်ပါတယ်။
နိုင်ငံခြားသားအလုပ်သမားတွေရဲ့ နေထိုင်ရေးဆိုင်ရာ အဆင်မပြေမှုတွေက အအေးခန်းမဲ့(၂၂%)၊ အနွေးခန်း မဲ့(၁၄%)၊ အိမ်သာ(၁၃%)၊ ရေချိုးခန်း(၁၂%)၊ အခန်းဖော်(၉%)၊ လုံခြုံမှု(၅%)တို့ဖြစ်ကြပါတယ်။ လူနေတဲ့ အိမ်မှာ မနေရ ပစ္စည်းသိုလှောင်ခန်းလို မသင့်တော်တဲ့ အခန်းမျိုးမှာ နေထိုင်နေကြရတာကြောင့် ဒီလို အဆင်မပြေမှုတွေ ဖြစ်ပွားနေကြရတာ ဖြစ်ပါတယ်။
နိုင်ငံခြားသားအလုပ်သမားတွေ ကြုံတွေ့နေကြတဲ့ လူ့အခွင့်အရေးချိုးဖောက်ခံရမှုတွေကလည်း ဆဲဆိုကြိမ်း မောင်းခံရမှုက ၄၀%ဖြင့် အများဆုံးဖြစ်ပြီး၊ ခွဲခြားဆက်ဆံခံရမှု ၂၅%၊ လစာမရရှိမှု ၁၅%၊ မုဒိန်းကျင့်ခံရမှုနဲ့ ကာမဆိုင်ရာစော်ကားခံရမှုက ၁၃%၊ ထိုးကြိတ်ခံရမှု ၄%၊ အလိမ်ခံရမှု ၃% စသဖြင့် စစ်ဆေးတွေ့ရှိရပါ တယ်။
တနှစ် ၁ကြိမ်အထက် ကျန်းမာရေးစစ်ဆေးမှုခံရသူက ၆၁%ပဲရှိပြီး ၅၄%က တလလျှင် ၂နာရီစီ လုပ်ငန်းခွင် အန္တရာယ်ကင်းရှင်းရေးဆိုင်ရာပညာပေးသင်တန်း သင်ယူခွင့် မရရှိပဲရှိနေကြပါတယ်။ ဒါ့အပြင် နိုင်ငံခြား သား အိုင်ဒီကတ်နဲ့ ဘဏ်စာအုပ် စသည်တို့ အတင်းအဓမ္မ သိမ်းယူခံရတာကလည်း ၃၂%ရှိပါတယ်။
အထူးသဖြင့် တချို့သော အလုပ်ရှင်တွေဟာ မဖြစ်မနေ ပြုလုပ်ပေးရမည့် အာမခံတွေကိုလည်း မပြုလုပ် ပေးပဲ ရှိနေကြတဲ့အပြင် အာမခံကြေးဆိုပြီး အလုပ်သမားတွေရဲ့ လစာထဲကနေ မတရားခိုးယူဖြတ်တောက် နေကြတာကိုလည်း စစ်ဆေးတွေ့ရှိခဲ့ပါတယ်။
ဒါ့အပြင် အလုပ်သမားရဲ့ ထွဲဂျိဂွန်(လုပ်သက်ခံစားခွင့်)အတွက် မဖြစ်မနေ ပေးဆောင်ရမယ့် ပြည်တော်ပြန် နေ့အတွက် အာမခံကြေး(လစာရဲ့ ၈.၃%)တွေကိုလည်း အမှန်တကယ် ပေးဆောင်ပေးနေခြင်းမရှိကြပေ။
ဒါကြောင့် ပြည်တော်ပြန်မယ့် ရွှေ့ပြောင်းအလုပ်သမားတွေအနေနဲ့ ပြည်တော်ပြန်နေ့အာမခံကြေးကို ပြန်လည် ရယူနိုင်ခြင်း မရှိတဲ့ အခြေအနေဆိုးတွေကို ကြုံတွေ့နေကြရပါတယ်။
အာဆန်းနိုင်ငံခြားသားအလုပ်သမားစင်တာရဲ့ တာဝန်ရှိသူက အစိုးရဟာ အာမခံကြေးတွေ မပေးဆောင်တဲ့ အလုပ်ရှင်တွေအပေါ်မှာ အရေးယူဆောင်ရွက်မှု မရှိသလို၊ ကွန်တိန်နာထဲမှာနေစေပြီး အခန်းခကိုလည်း ပေးနေကြရတဲ့ နိုင်ငံခြားသားအလုပ်သမားတွေရဲ့ အခြေအနေတွေ တိုးတက်စေဖို့အတွက်လည်း စိတ်မ
ဝင်စားဘူး လို့ ထောက်ပြ ပြစ်တင်လိုက်ပါတယ်။
ဆက်လက်ပြီး သူက အလုပ်ရှင်တွေဟာ ကိုရီးယားရဲ့ လူနေအိမ်ဥပဒေအရ ခွင့်မပြုတဲ့ ကွန်တိန်နာအတွင်း ရွှေ့ပြောင်းအလုပ် သမားတွေကို နေစေပြီး လစာထဲကနေ အိမ်လခကို ဖြတ်တောက်ပြန်နေကြတာဟာ လူမဆန်တဲ့ လုပ်ရပ်ဖြစ်ပြီး လူနေဖို့ မသင့်တဲ့ အခန်းတွေမှာ နေခိုင်းနေတာတွေ ကို ထိထိရောက်ရောက် ရှာဖွေ စစ်ဆေး အရေးယူသင့်ပြီလို့ ပြောဆိုလိုက်ပါတယ်။
သတင်း စိုးမိုးသူ
댓글 없음:
댓글 쓰기