2011년 9월 17일 토요일

လုပ်ငန်းခွင်ဆိုင်ရာ ပြဿနာများအတွက် အကူအညီတောင်းသူများ သိစေရန်

MWTVမြန်မာပိုင်းအစီအစဉ် ဘလော့ဂ်ကို ဖွင့်လှစ်ပြီးနောက်ပိုင်း အလုပ်သမားပြဿနာကို ဖြေရှင်းပေးဖို့ အကူအညီတောင်းဆိုသူများနဲ့ အလုပ်သမားဥပဒေဆိုင်ရာကို မေးမြန်းလိုသူ ညီအကိုများရဲ့ ဖုန်းများကို တဖွဲဖွဲ လက်ခံရရှိခဲ့ပါတယ်။

ပြဿနာတွေက စုံလင်၊ အကူအညီတောင်းဆိုသူတွေကများ ဆိုပေမယ့်
အလုပ်ကိစ္စတွေများလွန်းပြီး အချိန်ပြည့် ဖုန်းမကိုင်နိုင်တဲ့ ကျနော့်အနေနဲ့က  အားလုံးရဲ့ ဖုန်းကို အချိန်မီ လက်ခံပြီး ဒိုင်ခံ ဖြေရှင်းပေးဖို့ဆိုတာ လက်တွေ့မှာ အတော် မလွယ်လှပါ။ တချို့ပြဿနာတွေဆိုရင် တော်တော်လက်ပေါက်ကပ်တဲ့အတွက် အချိန်တော်တော်ပေးပြီး ဖြေရှင်းပေးရပါတယ်။

ဒါပေမယ့် အကူအညီလိုတဲ့သူကို အကူအညီပေးဖို့ ဆန္ဒအမြဲရှိပါတယ်။
ဒါကြောင့် မိမိပြသနာလည်း ပြေလည်၊ ကျနော့်အနေနဲ့လည်း ဖြေရှင်းပေးရတာ သက်သာအောင် အကူအညီတောင်းဆိုလိုသူ ညီအကိုတို့အနေနဲ့ ကျနော့်ဆီ တိုက်ရိုက်ဖုန်းမဆက်မီ အောက်ပါအချက်အလက်များကို အီးမေးလ်(smthu2006@gmail.com) ဖြင့် အရင် ပို့ပေးကြပါ။


အလုပ်သမားပြဿနာ အကူအညီတောင်းဆိုသူများ
၁) ပြဿနာ အသေးစိတ်ကို ရှင်းပြတဲ့စာ
၂) နိုင်ငံခြားသား မှတ်ပုံတင်ကတ် ဓာတ်ပုံ
၃) အလုပ်စာချုပ် ရှေ့၊နောက် ဓာတ်ပုံ

၎) လစာ စာအိတ် ဓာတ်ပုံ (လစာနဲ့ ပတ်သက်တဲ့ ပြဿနာဖြစ်ပါက)
၅) အခြား ပြဿနာနဲ့ သက်ဆိုင်တဲ့ အထောက်အထားများ

အလုပ်သမားဥပဒေဆိုင်ရာ သိလိုသူများ
၁) မိမိသိလိုတာကို ရှင်းလင်းစွာ ရေးသားထားတဲ့ မေးမြန်း စာ
၂) အခြား သက်ဆိုင်ရာ အထောက်အထားများ

 အီးမေးလ်ကတဆင့် ရောက်ရှိလာတဲ့ စာများကို အမြန်ဆုံး ဖြေရှင်းပေးဖို့ ကြိုးစားပါ့မယ်။
ဒါပေမယ့် ကျနော် အကူအညီပေးနိုင်တဲ့ အတိုင်းအတာကို အရင် သိထားစေချင်ပါတယ်။

အလုပ်သမားပြသနာများကို ဖြေရှင်းဖို့ အကူအညီတောင်းဆိုသူများဟာ အများအားဖြင့် ဘာသာစကား အခက်အခဲကြောင့် ကိုယ်တိုင် ဖြေရှင်းဖို့ အခက်အခဲတွေ့ကြုံကြသူများ ဖြစ်ကြပါတယ်။
ဒါကြောင့် ပြဿနာ အကြောင်းအရာများကို ကိုရီးယားလို ဘာသာပြန်စာနဲ့ လိုအပ်တဲ့ အခြား အထောက် အထားများကို ပြင်ဆင်ပေးပါ့မယ်။

အဲဒီနောက် ကျနော် ဘာသာပြန်ပေးလိုက်တဲ့ စာနဲ့ လိုအပ်တဲ့ အထောက်အထားတွေကို ယူပြီး မိမိဒေသတွင်း ရွှေ့ပြောင်း အလုပ်သမား အကူအညီပေးတဲ့ စင်တာ သို့မဟုတ် အလုပ်သမားဝန်ကြီးဌာန ကို  ကိုယ်တိုင် သွားရောက် တိုင်ကြား အကူအညီတောင်းဆိုပါ။
ဘယ်စင်တာ၊ ဘယ်ဌာနကို သွားသင့်တယ်ဆိုတာကိုလည်း လမ်းညွန်ပေးပါ့မယ်။

ကိုရီးယားဘာသာစကား ကျွမ်းကျင်သူ အီးပီအက်စ် အလုပ်သမားများ အနေနဲ့ အလုပ်သမားဝန်ကြီးဌာနကို ကိုယ်တိုင်သွား ရောက်တိုင်ကြားခြင်း၊ အလုပ်သမားဝန်ကြီးဌာနရဲ့ အင်တာနက် ၀က်ဘ်ဆိုဒ်
 http://minwon.moel.go.kr/minwon2008/info/info_minwon.jsp
မှတဆင့် ဖောင်ဖြည့် တိုင်ကြားခြင်းကို ပြုလုပ်နိုင်ပါတယ်။

ဒါကြောင့် ပြန်ပြီး ချုံ့ပြောရရင်
ကျနော်က ကိုရီးယားလို ဘာသာပြန်စာနဲ့ အခြား လိုအပ်တဲ့ အချက်အလက်များကို စီစဉ်ပေးမှာ ဖြစ်ပြီး

ကျန် ဖြေရှင်းရမည်များကို မိမိက သက်ဆိုင်ရာ ဌာန၊ အကူအညီပေး စင်တာတို့နှင့် အတူ ဖြေရှင်းကြရမှာ ဖြစ်ကြောင်း။

အားလုံး အခက်အခဲများ ကင်းပြီး စိတ်ချမ်းသာစွာ အလုပ်လုပ်ကိုင်နိုင်ကြပါစေ။
မေတ္တာဖြင့်
စိုးမိုးသူ

댓글 없음:

댓글 쓰기