မေးသူ။ ဒဲဂူးက ညီအကိုတဦး
အကိုရေ၊ ကျနော်က အီးပီအက်စ်နဲ့ စိုက်ပျိုးရေးမှာ အလုပ်လုပ်နေသူပါ။ အလုပ်က အရမ်းပင်ပန်းပြီး စာချုပ်ပါ အလုပ်ချိန်ကိုလည်း မလိုက်နာတဲ့ အပြင် အလုပ်လည်း သိပ်မရှိတာကြောင့် သူဌေးလက်မှတ် ယူပြီး အလုပ်ထွက်လိုက်ပါတယ်။ ကျနော်နဲ့ ရင်းနှီးတဲ့ ကိုရီးယားအလုပ်ရှင်က ကျနော့်ကို အလုပ်ခန့်ချင် ပေမယ့် သူ့အလုပ်က ကုန်ထုတ်လုပ်ငန်းဖြစ်တာကြောင့် ကျနော့် ဗီစာအမျိုးအစားကနေ သူ့အလုပ်ကို ပြောင်းလုပ်နိုင်တဲ့ ဗီစာအမျိုးအစား ပြောင်းနည်း သို့မဟုတ် လုပ်ငန်းအမျိုးအစားပြောင်းနိုင်တဲ့ နည်း ရှိပါသလား။
ဖြေ။ ဒဲဂူးက ညီအကိုရေ
ကိုရီးယားမှာ အီးပီအက်စ်စနစ်နဲ့ ကုန်ထုတ်လုပ်ငန်း၊ စိုက်ပျိုးရေးနဲ့ ငါးဖမ်း ဆိုပြီး နိုင်ငံခြားသား အလုပ်သမားတွေ အလုပ်လုပ်ခွင့်ရှိတဲ့ လုပ်ငန်းတွေရှိကြပါတယ်။
လက်ရှိ ဥပဒေအရ ကုန်ထုတ်လုပ်ငန်းကနေ စိုက်ပျိုးရေးနဲ့ ငါးဖမ်းဘက်ကို ပြောင်းနိုင်ပေမယ့် စိုက်ပျိုးရေး နဲ့ ငါးဖမ်းကနေ ကုန်ထုတ်ဘက်ကို ပြောင်းခွင့်မရှိပါဘူး။
ဒါက ရှင်းပါတယ်။ စိုက်ပျိုးရေးနဲ့ ငါးဖမ်းက အရမ်း ပင်ပန်းတာကြောင့် ပြောင်းခွင့်ပေးလိုက်ရင် အကုန်လုံး ပြောင်းကုန်ကျမှာမို့ တားထားတာပေါ့။
အဲဒီတော့ ညီအကိုက စိုက်ပျိုးရေးကနေ ကုန်ထုတ်ကို ပြောင်းဖို့ဆိုတာ ဥပဒေအရ မဖြစ်နိုင်သေးကြောင်း ပြန်ကြားလိုက်ပါတယ်။
တဆက်တည်းမှာပဲ နည်းလမ်းဆိုတာက ဥပဒေကိုပြုပြင်ပြောင်းလဲနိုင်ရင် ဖြစ်တာကြောင့် စိုက်ပျိုးရေးမှာ အလုပ်လုပ်ကိုင်သူ ညီအကိုတွေ စုစည်းပြီး မိမိတို့ရဲ့ အခြေအနေမှန်တွေကို လူထုသိအောင် စုဝေးတင်ပြ၊
လွတ်လပ်စွာ အလုပ်ပြောင်းရွှေ့ခွင့်ကို တောင်းဆိုကြရင် ဖြစ်နိုင်စရာ ရှိကြောင်း အကြံပေးလိုက်ပါတယ်။
댓글 없음:
댓글 쓰기