အင်ဒိုနီးရှားအလုပ်သမား Jဟာ အီးပီအက်စ်စနစ်နဲ့ ၂၀၀၉ခုနှစ် ဂျူလိုင်လမှာ ကိုရီးယားကို ၀င်ရောက် လာကာ ဂယောင်ဂီဒို ဟွာဆောင်းမြို့ရှိ စက်ရုံတရုံမှာ စတင်အလုပ်လုပ်ကိုင်ခဲ့ပါတယ်။ သူ့ကို အလုပ်ရှင်က ကိုယ့် စားရိတ်နဲ့ကိုယ် နေ့လယ်စာကို ၀ယ်စားခိုင်းပါတယ်။
အလုပ်စာချုပ်မှာ နေ့လယ်စာကျွေးမယ်လို့ ပါရှိပေမယ့် ဒါကို မလိုက်နာပဲ အလုပ်စာချုပ်ချိုးဖောက်တဲ့ အလုပ်ရှင်နဲ့ ဆက်လက် အလုပ် မလုပ်လိုတာကြောင့် စာချုပ်သက်တမ်းကုန်ဆုံးတဲ့အခါ စာချုပ်ဆက် မချုပ်ဘူးလို့ သူက အလုပ်ရှင်ကို ကြိုပြောထားလိုက်ပါတယ်။
အဲဒီတော့ စာချုပ်သက်တမ်း မပြည့်မီ လအနည်းငယ်အလိုမှာ အလုပ်ရှင်ကို သူ့ကို အလုပ်ထုတ်ပြစ်လိုက်ပါ တယ်။ ၁နှစ်ပြည့်တဲ့အထိသူ့ကို အလုပ်ခိုင်းခဲ့ရင် အလုပ်သမားဥပဒေအရ လုပ်သက်ခံစားခွင့်ကို ပေးရမှာ ဖြစ်တာကြောင့် အခုလို အလုပ်ကို ကြိုတင်ပြီး ထုတ်ပြစ်လိုက်တာပဲ ဖြစ်ပါတယ်။
ယခုလ ၁၇ရက်နေ့ဟာ ၂၀၀၄ခုနှစ် သြဂုတ်လ ၁၇ရက်နေ့က စပြီး စတင် ကျင့်သုံးလာခဲ့တဲ့ အီးပီအက်စ် စနစ်ဟာ ၇နှစ် သက်တန်းပြည့်တဲ့ နေ့ပဲဖြစ်ပါတယ်။ ယခုနှစ်နဲ့ နောင်နှစ်မှာ အီးပီအက်စနစ်နဲ့ ၀င်ရောက် လာသူ အလုပ်သမား ၁သိန်းကျော်ဟာ အလုပ်လုပ်ကိုင်ခွင့် သက်တန်းပြည့်ကာ နိုင်ငံတွင်းက ထွက်ခွာပေး ရတော့မှာဖြစ်ပါတယ်။
နိုင်ငံခြားသားအလုပ်သမားလှုပ်ရှားမှု ပူးပေါင်းဆောင်ရွက်ရေး ပေါင်းချုပ်အဖွဲ့ဟာ လွန်ခဲ့တဲ့ မေလက အီးပီအက်စနစ်နဲ့ ၀င်ရောက်လာသူ ၁၀နိုင်ငံက အလုပ်သမား၉၃၁ဦးကို စစ်တမ်းကောက်ယူခဲ့ပြီး ရလာဒ်ကို လွန်ခဲ့တဲ့ ၁၄ရက်နေ့က ထုတ်ပြန်ခဲ့ပါတယ်။
အဲဒီစစ်တမ်းမှာ အလုပ်ရှင်ရဲ့ အလုပ် စာချုပ်ချိုးဖောက်မှုက ၅၈.၃%ရှိတာကြောင့် အလုပ်သမားရဲ့ အလုပ်သမား အခွင့်အရေးကို စောင့်ရှောက်ပေးမှုဆိုတဲ့ ပထမအဆင့် ခြေလှမ်းဟာ အဦးဆုံး ပျက်စီး နေတာကို တွေ့မြင်ရပါတယ်။
အဲဒီနောက် အလုပ်ချိန် အတိအကျမရှိမှုက ၂၅.၃%၊ လစာမပေး၊ နားချိန်၊ နားရက်မပေး က ၂၃.၃%၊ အခမဲ့ အစားအသောက်၊ အလုပ်အကိုင် အမျိုးအစား၊ နေထိုင်ရန် အခန်းပေးခြင်း စတာတွေ ပျက်ကွက်မှု က ၁၈.၃%၊ ၁၆.၁%၊၁၃% စသဖြင့် တွေ့ရှိရပြန်ပါတယ်။
ဒါ့အပြင် အလုပ်သမားအပေါ် ဆဲဆိုမှုက ၇၈%၊ ယဉ်ကျေးမှု မတူညီမှုအပေါ် နှိပ်ကွက်မှုက ၄၃.၉%နဲ့ ထိကပါး ယိကပါး ပြုလုပ်မှု ၁၃.၅% ဆိုတဲ့ လူ့အခွင့်အရေးချိုးဖောက်မှုတွေကလည်း စဉ်ဆက်မပြတ် ဖြစ်ပွားနေကြောင်း တွေ့ရှိရပါတယ်။
အလုပ်စာချုပ် ချိုးဖောက်ခြင်းနဲ့ လူ့အခွင့်အရေး ချိုးဖောက်ခြင်းတို့ဟာ ရွှေ့ပြောင်းအလုပ်သမားအနေနဲ့ လုပ်ငန်းခွင် ပြောင်းရွှေ့စေခြင်းကို ဖြစ်စေပါတယ်။ ဒါပေမယ့် လုပ်ငန်းခွင့် ပြောင်းရွှေ့ခွင့်ဟာ ၃ကြိမ် အထိသာ ရရှိခြင်း၊ အလုပ်ရှင်ရဲ့ သဘောတူ လက်မှတ်ပါမှ ဖြစ်ခြင်း စတာတွေဟာ အီးပီအက်စ်စနစ်ရဲ့ မကောင်းတဲ့ အဓိက အချက်တွေပဲဖြစ်ပါတယ်။
ယခုအကြိမ် စုံစမ်း စစ်ဆေးချက်အရ ရွှေ့ပြောင်းအလုပ်သမား ၆၁.၆%ဟာ လုပ်ငန်းခွင်ပြောင်းရွှေ့ဖို့ အစီ အစဉ် ရှိနေကြကြောင်း သိရှိရပါတယ်။ အဲဒီအနက် အရမ်းပင်ပန်းလို့ဆိုတာက ၂၈.၄%၊ သင့်တော်တဲ့ လစာမရ ရှိလို့က ၂၂.၃%၊ လူမဆန်တဲ့ အပြုအမူ ၁၂.၉%နဲ့ လစာမပေးလို့ဆိုတာက ၁၀.၃%တို့ ရှိကြပါတယ်။
ရွှေ့ပြောင်းအလုပ်သမားတို့ရဲ့ တနေ့ အလုပ်လုပ်ချိန်ဟာလည်း ပျမ်းမျှခြင်း ၁၂နာရီရှိကြောင်း တွေ့ရတာကြာင့် ၂၀၀၉ခုနှစ်က စစ်ဆေးချက်နဲ့ နှိုင်းယှဉ်ရင် ၁နာရီ ထပ်တိုးလာတာပဲ ဖြစ်ပါတယ်။
တနေ့ ၁၀နာရီနဲ့ ၁၄နာရီကြား အလုပ်လုပ်တယ်လို့ ဖြေသူက ၄၇.၃%၊ ၈နာရီနဲ့ ၁၀နာရီကြား အလုပ် လုပ်သူက ၄၃.၇% ရှိပါတယ်။ ဒါဟာ လစာ နည်းပါးတာကြောင့် အချိန်ပို အလုပ်တွေကို ပိုလုပ်နေကြရ ခြင်းနဲ့ ပင်ပန်းပေမယ့် လစာများတဲ့ အလုပ်ကိုသာ ရွေးခြယ်လုပ်ကိုင်ကြခြင်း တို့ရဲ့ ရလာဒ်ပါပဲ။
လုပ်ငန်းခွင် ထိခိုက်ဒဏ်ရာ ရရှိတဲ့အခါမှာလည်း ကိုယ့်စားရိတ် နဲ့ ဆေးဝါးကုသသူက ၄၇.၅%က ရှိကြောင်း တွေ့ရပြန်ပါတယ်။
ဒါတွေကို ကြည့်ချင်းဖြင့် အီးပီအက်စ် စနစ်ဟာ ရွှေ့ပြောင်းအလုပ်သမားတွေရဲ့ အလုပ်သမားနဲ့ လူ့အခွင့် အရေးအပေါ် ချိုးဖောက်မှုတွေ ပြုလုပ်နေတာကို တွေ့မြင်နိုင်တာကြောင့် ဒီစနစ်ကို ပြုပြင်ဖို့ အထူး လိုအပ်နေကြောင်း တင်ပြလိုက်ပါတယ်။
သတင်း စိုးမိုးသူ
댓글 없음:
댓글 쓰기